Ave Maria
Mama de vida nostra
Lughe de lughe vera
Mama de ispera

Paghe santa
Ti cantat s’anima
Paghe eterna danos
Pro gosare chelu e terra

Tue consolu
Amore e làgrimas
Tue ses su donu
Caru a donzi peccadore

Fide celeste
Ses su fogu sempr’atzesu de su perdonu
Gosu chi benit dae Jesùs
Grascias a tie totu est nou, Maria bella!

Ave Maria
Mama de vida nostra,
Lughe de lughe vera
Mama de ispera

Mistériu divinu
Glória de s’homine
De ‘onzi caminu
Ses istella de salvesa

Bestida ‘e Deus
Semper t’ammentas
De nos leare
Durchemente a manu tenta

Fide celeste
Ses su fogu sempr’atzesu de su perdonu
Gosu chi benit dae Jesùs
Grascias a tie totu est nou, Maria bella!

(2007 – di Antonio Strinna e Antonio Costa)